Orburuak irakin, garrantzitua da ur-irakinetan jartzea (inoiz ez hotz) eta behar adina gatz botatzea. Labana batekin goiko aldean ukitzean (buztana egongo litzatekeen lekuan) erresistentzia gutxirekin sartu arte kozinatzen ditugu, baina oraindik ere nolabaiteko irmotasuna sentitu behar dugu.
2. Pausoa
Bere puntuan daudenean, izotz-ura duen ontzi batera berehala pasatuko dugu, egosketa mozteko. Xukatu eta erditik ebakiko dugu.
3. Pausoa
Orburuaren bihotzak garbitu, dituzten harizpiak aterata, iletxo moduko horiek oso desatseginak baitira ahoan.
4. Pausoa
Zartagin bero batean gurin puska eder bat, oliba-olio zurrustada bat eta orburuak, buruz behera, jarriko ditugu. Horiek pixka bat gorritu arte kozinatzen utziko ditugu.
5. Pausoa
Kolore pixka bat lortzen dutenean, baratxuria fin-fin moztuta, limoi baten birrindura, limoi erdi baten zukua, gatza eta piperbeltza gehituko dizkiegu. Baratxuria pixka bat gorritu arte itxarongo dugu eta zartaginean dagoen zuku guztia orburu bakoitzean sartzen dela ziurtatu behar gara, bakoitzaren gainean koilara batekin botaz.
6. Pausoa
Baratxuriak kolore pixka bat hartzen dutenean, limoi fresko tanta batzuk jarriko dizkiegu, eta sua itzaliko dugu.
Esta web utiliza cookies para mejorar la experiencia de navegación. Si continuas navegando entendemos que estás de acuerdo con su utilización.
Leer más.Política de Privacidad
