Kalabaza crema

Elaborazioa 

1. Pausoa 

Kalabazari haziak kendu, zuritu eta beste barazki guztiekin zatitu: azenarioak, tipulak eta patata. 

2. Pausoa 

Lapiko bat sutan jarri, olio txorrotada batekin, eta baratxuri-ale osoa gorrituko duzu, azalik gabe. Gero, sutik kendu. 

3. Pausoa 

Olio horretan baraki guztiak erregosiko dituzu, tipularekin hasiz. Kristaldu arte itxaron eta, ondoren, patata gehitu. Pixka bat urreztatu eta azenarioak eta kalabaza gehitu. Minutu batzuez kozinatu. 

4. Pausoa 

Erregosi ondoren, gatzpipertu eta sartu mandarinen arraila eta zukua. Kuminoa eta jengibrea gehitu eta barazki-saldarekin estali. Su txikian egosten utzi, barazki guztiak eginda egon arte. Patata kozinatuta baldin badago, 15 edo 20 minutuko tartea izango da. 

5. Pausoa

Likido ugari soberan dagoela ikusten baduzu, baztertu eta geroko gordeko duzu, berriz gehitu behar baldin bada. Barazki guztiak irabiatuko dituzu, lehenik esne osoa (edo esne-gaina edo lurrundutako esnea) gehituz, krema fin-fina utzi arte. 

6. Pausoa 

Zerbitzatzeko unean, piperbeltz nahasketa batekin hautseztatu eta oliba-olio tanta gordin batzuekin busti. 

Aholkuak

Oso ondo gelditzen da banakako edalontzietan zerbitzatzen baduzu, hala nola, hasierako plater edo janaurrekoan. Horretarako, salda esne edo esne-gain pixka bat gehitu, arinagoa izan dadin. 

Egosteko likidoa soberan badago, fideo-zopa bat prestatzeko erabili daiteke.