Arbi krema
Elaborazioa
1. Pausoa
Barazki guztiak garbitu. Olioa duen lapiko edo eltze ertain bat su ertain-altuan jarri. Tipula txikitu eta lapikora gehitu, mugitu eta biguntzen utzi. Porrua xafla txikietan moztu eta lapikora gehitu. Apioa zatitxotan moztu eta jarri lapikoan ere. Noizean behin mugitu.
2. Pausoa Arbiak eta patata zuritu eta moztu dena dadotxoetan. Bota lapikora eta dena batera 20 minutuz bigundu. Gehitu 750 ml ur, igo sua eta, irakiten hasten denean, jarri su ertainean. Jarri tapa bat eta 15 bat minutuz egosten utzi.
3. Pausoa Kendu lapikoa sutik, gehitu soja-esnea eta gatza (bota pixkanaka, probatu eta zure gustura zuzendu) eta jaitsi 4-5 minutuz, zatitxoak eta pikorrak ahalik eta leunen geratu arte.
4. Pausoa Plateretan berotu. Horrekin batera, kumino pittin bat, zilantro ehoa, mendafina edo garagardo-legamia erabili ditzakezu. Oso ondo doakio.
5. Pausoa Soja-esnea erabili dut, nuena eta aurkitzeko errazena delako, baina olo-esnea, arroz-esnea, kino-esnea, almendra-esnea (oso gomendagarria) edo gustoko beste edozein landare-edari erabili dezakezu. Azukreduna ez dela egiaztatu, zapore arraroa gera dakizuke-eta. Ukitu exotiko bat nahi baduzu, egin krema koko-esnearekin.
