Bezperako ogia xerratan moztu eta labean 2-3 minutuz sartu. Txigortu ondoren, xerrak eskuekin zatitu.
2. Pausoa
Ur epela duen kazola batean piper txorizeroak jarri. Su leunean 10 minutuz mantendu.
3. Pausoa
6 baratxuri ale oso olioa duen kazola batean gorritu. Ondo papurtutako bakailaoa gaineratu eta erregosi. Ogia eta piperrautsa gehitu eta berriro erregosi. Aurrez berotutako ura isuri eta hagaxka batekin mugitu, ogia desegin arte. 10-12 minutuz kozinatu.
4. Pausoa
Piper txorizeroetatik haragia kendu, ondo xehatu eta zopari gehitu. Mugitu eta gehitu pipermin moztua. Jarri gatz-puntuan.
5. Pausoa
Arrautzak zopan gehitu, galdarraztatzeko; gatz pixka batekin gorringoa hautseztatu, eta 3-4 minutu itxaron, gatzatu arte. Perrexil xehatua gehitu eta zerbitzatu.
Aholkua
Bakailaoaren kanpoaldetik gatza kendu, ur hotzaren zorrotadaren laguntzaz. Ondoren, ur hotz ugariko ontzi batean sartu eta 32 edo 48 orduz leku fresko batean utzi (solomoen tamainaren arabera), gutxi gorabehera 12 orduz behin ura aldatuz. Gezatzeko puntua bakailaoa probatuz egiaztatu behar duzu. Papurtua errazago gezatu egiten da.
Esta web utiliza cookies para mejorar la experiencia de navegación. Si continuas navegando entendemos que estás de acuerdo con su utilización.
Leer más.Política de Privacidad
