Baratxuriak zuritu, laminatu eta gorritu arte frijitu (kurruskatsu geratu behar dira). Atera eta sukaldeko paper xurgatzailearekin xukatu. Labanaz mehe-mehe xehatu eta katilu batean sartu.
2. Pausoa
Zerra-laban baten laguntzaz, zopa-ogia fin-fin xehatu eta katiluan gehitu. Arbendol-hautsa gaineratu eta ondo nahastu. Geroko gorde.
3. Pausoa
Sukaldeko film zati bat moztu eta katilu baten gainean jarri. Olio pixka batekin igurtzi eta arrautza bat gainean kraskatu. Ondu. 4 puntak bildu eta ondo kiribildu, airerik gera ez dadin. Sokatxo batekin itxi. Gainerako arrautzekin prozesua errepikatu.
4. Pausoa
Ur ugari kazola batean jarri eta berotzen ipini. Irakiten hasten denean, arrautzak gehitu eta 3-4 minutuz egosi. Filma arrautzetik kendu.
5. Pausoa
Tomatea zuritu, kubotan xehatu eta bol batean jarri. Tapenadea, olio zurrustatxo bat, ozpin beste bat eta gatz pixka bat gehitu.
Zerbitzatzeko, baratxuriaren, ogiaren eta almendraren nahasketa pixka bat plateraren hondoan jarri, gainean arrautzak jarri eta ozpinarekin lagundu. Perrexil xehatuarekin apaindu eta zerbitzatu.
Aholkua
Zopa-ogia hauts bihurtzea nahi baduzu, birringailu batekin txikitzea gomendatzen dizut.
Esta web utiliza cookies para mejorar la experiencia de navegación. Si continuas navegando entendemos que estás de acuerdo con su utilización.
Leer más.Política de Privacidad
