Haragiz betetako alberjiniak

Elaborazioa

• Alberjiniak garbitu, erditik moztu eta haragiaren azala ukitu gabe ebaki batzuk egin.
  
  
• Laberako egokia den iturri batean jarri, ondu, olio pixka batekin ureztatu, eta 200º C-tan 20 minutuz erre. Alberjiniak eginda daudenean, kendu haragia kontuz eta xehatu.
  
  
• Barazkiak fin-fin xehatu (tipula, baratxuri hortz 1 eta piperrak), eta olioa duen zartagin batean bigundu. Ondo bigunduta dagoenean, gehitu gatzpipertuta dagoen txahal haragia eta laburki kozinatu. Alberjinien haragia gehitu, perrexil hautsa bota eta ondo nahastu.
• 
  Bexamelarentzat, kazola batean olio pixka bat jarri, irina gehitu eta laburki sueztitu. Irabiatzeari utzi gabe, pixkanaka esnea bota, loditu arte eta ondu.
  
  
• Alberjiniak fartsarekin bete eta bexamelarekin estali. Bakoitza gazta xerrarekin estali eta labean gratinatu.

Aholkua

Bexamelean pikorrak ateratzeko arriskua saihestu nahi bada, irinari gehitu aurretik esnea berotu. Beste abantaila bat da denbora gutxiago beharko duela saltsa egiteko.