Porru hostopila

Elaborazioa

• Lehenik eta behin, porruak garbituko ditugu, zati berdea kenduz eta zati zuria juliana eran moztuz. Ur irakinean 15 minutuz egosi.

• Denbora hori igarota, xukatu eta gurinarekin salteatu. Irin koilaratxo batekin hautseztatu, erregosi eta esnegaina eta gorringo irabiatuak gehitu. Ondo nahastu eta gatz-puntuan jarri.

• Hostore geruza bat molde baten gainean jarri. Porruen nahasketarekin tapatu eta beste hostore geruza batekin estali, ertzak ondo itxiz. Hostorea soberan baduzu, apaintzeko aprobetxatu.
  
  
• Gainazala arrautza irabiatuarekin igurtzi eta 180 gradutan 30 minutuz laberatu.

• Gero, labetik kendu, moldea atera eta bazkaltzera!