Ziazerba eta perretxiko tartaleta

Elaborazioa

Orea:

• Irina, gatza eta kubotan moztutako gurin hotza ontzi batean jarri. Behatz puntekin igurtziz nahastu, apur batzuk sortu arte.

• Arrautza irabiatuaren gorringoa eta koilarakada bat ur hotz gehitu. Bola bat osatu arte oratu. Bola bat osatu eta film gardenean bildu. Hozkailuan gutxienez 30 minutuz edo ordubetez utzi.

• Irineztatutako gainazal baten gainean masa zabaldu eta moldea baino 3 mm lodiagoa eta 2 cm handiagoa den zirkulu bat osatu.

• Orea moldearen gainean jarri. Hondoa sardexka batekin ziztatu eta laberatzeko paperarekin forratu. Aldez aurretik labea 180ºC-tan berotu. Orea 20 minutuz egosi.

Betegarria:

• Zartagin batean baratxuri-hortza, ziazerbak eta perretxikoak arin frijitu, bigundu eta askatzen duten likidoa lurrundu arte. Dado txikietan xehatutako urdaiazpikoa gehitu. Nahasteko bira pare bat eman. Sutik kendu eta geroko gorde.
  
  
• Ontzi batean arrautzak esne lurrunduarekin batera irabiatu, gatz eta piperbeltz pixka batekin. 
  
  
• Orea laberatu ondoren, bete hondoa emmental gazta birrinduarekin. Perretxiko eta ziazerba nahasketa gainean jarri eta ahuntz eta roquefort gazta zatitxotan gainazal osotik banatu.

• Betegarriaren gainean arrautza eta esne lurrunduaren nahasketa bota. 180ºC-tan 30-40 minutuz laberatu. Giro-tenperatura lortzen utzi eta jateko prest!